كيكة برتقال من غير دقيق

التبليغ عن مخالفة

بواسطة:
مضاف في:  حلويات
عدد المشاهدات:  1910 مشاهدات
زمن التحضير:  25 دقائق
زمن الطهي:  30 دقائق
نوع الطبق: حلويات
اسلوب الطبخ: افريقي

المكونات

2 برتقالة

 

3 بيضات

 

كوب سكر ناعم

 

3 كوب لوز مطحون

 

ملعقة بيكينج باودر

 

ملعقة فانيليا

مقادير شربات البرتقال:

 

ثمرة برتقال

 

3/4 كوب سكر ناعم

طريقة التحضير

1- سخني الفرن على درجة حرارة متوسطة.

2- ادهني الصينية اللي هتعملي فيها الكيكة بكمية صغيرة من الزبدة السايلة.

3- حطي البرتقال بالقشر بتاعه في حلة وغطيه بماء بارد، وحطي الحلة على نار متوسطة لغاية ما المية تغلي، وسيبيه على النار لمدة 15 دقيقة، وبعد كده ارفعي الحلة من على النار، واهرسي البرتقال وشيلي منه البذر.

4- اضربي البيض بالسكر مع بعض في وعاء لغاية ما يتجانسوا مع بعض، ويبقى قوامهم زي الكريمة.

5- اخلطي البرتقال المهروس مع اللوز المطحون والبيكينج باودر مع التقليب؛ لغاية ما يتجانسوا مع بعض، بعد كده صبيه في الصينية المدهونة بالزبدة.

6- دخلي الصينية في الفرن لمدة ساعة أو لغاية ما تستوي، وعلشان تتأكدي إنها استوت، اغرسي فيها سن السكينة؛ فإذا خرجت نظيفة؛ فده معناه إنها استوت، وبعد كده طلعيها من الفرن وسيبيها تبرد لمدة ربع ساعة.

أثناء الوقت اللي هتسيبي الكيكة تبرد فيه، ابدئي في تحضير شربات البرتقال؛ ودي طريقة تحضيره:

1- ابشري البرتقالة؛ بحيث إن القشرة البيضاء اللي تحت تفضل موجودة على البرتقالة، وبعد كده اعصريها وشيلي منها البذر.

2- حطي بشر قشر البرتقال في حلة فيها ميه مغلية، وسيبيه لمدة 5 دقائق، وبعد كده سيبيه لغاية ما يبرد.

3- ضيفي عصير البرتقال والسكر  على القشر، وحطيهم على نار هادية لمدة 3 دقائق، وبكده تكوني خلصتي تحضير الشربات، وتقدري تضيفيه على الكيكة بعد ما تبرد.. وبالهنا والشفا.



تقييم

تم اضفاته بواسطة : samiaa في 2013-09-05 13:54:11
ممتاز